सरदार वल्लभभाई पटेल एक सडेतोड व्यक्तिमत्त्व

Description

सरदार वल्लभभाई पटेल हे सच्चे गांधीवादी होते. १९५० मध्ये त्यांचे निधन झाले तेव्हा ते नेहरूंच्या मंत्रिमंडळातले त्यांच्याच तोलामोलाचे नेते होते. कॉंग्रेस संघटना ही कित्येक वर्षांपासून सरदारांनाच वश होती. गांधी तसेच नेहरूंच्या उद्दिष्टांसाठी सरदारांनी ती राबवली होती. हा इतिहास अमान्य करण्याची एक नवी लाट गेल्या काही वर्षांपासून आली आहे.

या पार्श्वभूमीवर हे पुस्तक अत्यंत मोलाचे आहे. हे सरदारांचे समग्र जीवनचरित्र नाही, तर सरदारांनी स्वत:च सांगितलेल्या आयुष्यातल्या काही हकिगती, त्यांनी लिहिलेली पत्रे आणि त्यांची भाषणे यांचा यात समावेश आहे. यातली बरीचशी मूळ गुजराती व बाकीची इंग्रजीतील आहेत. शिवाय हा मजकूर त्रयस्थ लेखकांच्या दृष्टिकोनातून लिहिलेला नसल्याने वाचक सरदारांना इथे थेट भेटू शकतो. आपली मते स्वत:च ठरवू शकतो. त्यामुळे विद्यार्थी, अभ्यासकांप्रमाणेच सामान्य वाचकांनाही हा अनुवाद रोचक वाटेल.