समकालीन भारतीय शिक्षण : लिंगभाव व समाज

Description

आजच्या वेगाने बदलणाऱ्या समाजात शिक्षण क्षेत्रही  नव्या  गरजांनुसार सतत विकसित होत आहे. राष्ट्रीय शैक्षणिक धोरणाने २०२० (NEP 2020) शिक्षणव्यवस्थेत झालेले व्यापक बदल लक्षात घेता, शिक्षक – विद्यार्थी  आणि अभ्यासकांसाठी अद्ययावत, समकालीन आणि समग्र अशी शैक्षणिक साहित्याची आवश्यकता अधोरेखित झाली आहे. हाच विचार मनात ठेवून समकालीन भारतीय शिक्षण : लिंगभाव व समाज या नवीन पुस्तकाची निर्मिती करण्यात आली आहे. या पुस्तकात भारतीय शिक्षण व्यवस्थेतील बदलते प्रवाह, लिंगसमता, सामाजिक न्याय, समावेशक शिक्षण बहुसांस्कृतिकता तसेच शिक्षणातील अस्तित्वात असलेल्या असमानता व त्यावरील उपाययोजना यांचा सखोल अभ्यास मांडण्याचा प्रयत्न केला आहे. विद्यार्थ्यांच्या सामाजिक वास्तवाचे भान ठेवत, शिक्षणव्यवस्थेत सर्वसमावेशक दृष्टिकोन कसा विकसित करावा याची विस्तृत चर्चा पुस्तकात करण्यात आली आहे.