छत्रपती राजाराम महाराज जीवन व कार्य

Description

राजाराम महाराजांच्या कारकिर्दीत मराठा वीरांनी व मुत्सद्द्यांनी संगनमताने औरंगजेब बादशहास शाह दिला.  रियासतकार म्हणतात, ”नाना प्रकारच्या अडचणींतून मार्ग काढून मराठमंडळाने  स्वार्थत्यागपूर्वक बादशहाशी जो अपूर्व झगडा केला त्यास इतिहासात ‘स्वातंत्र्याचे युद्ध’ असे नांव कायमचे मिळालें आहे. ” राजाराम महाराजांचा स्वभाव शांत होता.  प्रल्हाद निराजी व रामचंद्रपंत अमात्य यांच्यासारखे मुत्सद्दी, संताजी – धनाजीसारखे रणवीर, खंडो बल्लाळ व परशुराम त्रिंबक यांच्यासारखे एकनिष्ठ सरदार राजाराम महाराजांना लाभल्यामुळे त्यांनी शत्रूला खंबीरपणे तोंड दिले.  तत्कालीन लेखकांनी राजाराम महाराजांना  ‘स्थिरबुद्धी’ हे विशेषण दिले.