बाबरची स्मृतिचित्रे

‘बाबरनामा’ किंवा ‘बाबरची स्मृतिचित्रे’ हा प्रथम मोगल बादशहा बाबरने (1482-1530) मूळ तुर्की भाषेत लिहिलेल्या रोजनिशीतील उताऱ्यांच्या संकलनावर आधारलेला ग्रंथ आहे. बाबर केवळ शूर शिपाई व मुत्सद्दीच नव्हता तर निसर्गप्रेमी, जीवनांतील उत्तम वस्तूंचा चाहता व रसज्ञ असा फारसी भाषेतील कवीहि होता. त्या काळांतील सामाजिक जीवनाचा आलेख व बाबरच्या स्वाऱ्यांची ऐतिहासिक दैनंदिनी म्हणूनच नव्हे तर एक साहित्यकृति म्हणूनहि या ग्रंथाला महत्त्व आहे. कारण यांतून एक संवेदनक्षम आणि सूक्ष्मदर्शी अशा मनाचे दर्शन घडते. हा ग्रंथ सर्व भारतीय भाषांमध्ये अनुवादासाठी निवडण्यांत आला आहे. या ग्रंथाचे भाषांतरकार प्राचीन भाषांचे व इतिहासाचे प्रसिद्ध विद्वान हरि रामचंद्र दिवेकर आहेत.

हा अनुवाद एफ. जी. टॅलबोटच्या 1901 साली प्रसिद्ध झालेल्या व आतां दुर्मिळ अशा इंग्रजी भाषांतरावरून केला आहे.