भाषाविज्ञान परिचय

Description

भाषेच्या अभ्यासाचे क्षेत्र झपाट्याने विस्तारत आहे. आधुनिक भाषाविज्ञानाचे अनेक कारणांकरता आज महत्त्व धारण केलेले आहे. हे लक्षात घेऊनच मुंबई विद्यापीठ, एस. एन. डी. टी. महिला विद्यापीठ, पुणे विद्यापीठ, शिवाजी विद्यापीठ, नागपुर विद्यापीठ व मराठवाडा विद्यापीठ इत्यादी विद्यापीठांनी आपल्या मराठीच्या अभ्यासक्रमात आधुनिक भाषा विज्ञानाचा जाणीवपूर्वक समावेश केलेला आहे.

हे विद्यापीठीय अभ्यासक्रम नजरेसमोर ठेवूनच, मालशे – पुंडे – सोमण यांनी हे पाठ्यपुस्तक परिश्रमपूर्वक तयार केले आहे.  भाषेचे स्वरूप, स्वनविज्ञान, मराठीचा स्वनिमविचार, पदविन्यास, वाक्यविन्यास यांच्या सुबोध परिचयाबरोबर प्रमाणभाषेची संकल्पना , मराठी व तिच्या बोली आणि मराठीचा शब्दसंग्रह यांही घटकांचा सशास्त्र परिचय या पाठ्यपुस्तकात प्रकरणश: करून देण्यात आलेला आहे. यामुळेच आधुनिक भाषाविज्ञानावरील एक प्रमाणित पाठ्यपुस्तक म्हणून या पुस्तकाकडे अंगुलीनिर्देश करता येईल.